गुल्मीमा मोटरसाईकल दुर्घटना हुँदा दुई जनाको मृत्यु
गुल्मी । गुल्मीको सत्यवती गाउँपालिका–१ ठुलाबगर छल्दीस्थित कालीगण्डकी करिडोर अन्तर्गत रुद्रवेणी–पुर्तिघाट सडकखण्डमा गएराति मोटरसाइकल दुर्घटना हुँदा दुई जनाको मृत्यु भएको छ ।
रुद्रवेणीबाट चेहेमीतर्फ जाँदै गरेको लु ३६ प ३६२७ नम्बरको २२० सीसी पल्सर मोटरसाइकल अनियन्त्रित भई सडकदेखि करिब ३ मिटर तल खस्दा दुर्घटना भएको प्रहरीले जनाएको छ ।
दुर्घटनामा मोटरसाइकल चालक स्याङ्जाको कालिगण्डकी गाउँपालिका–३ भुस्तुङका ३४ वर्षीय लक्ष्मण थापा र त्यसैमा सवार ४५ वर्षीय गिरमान सिंह राना गम्भीर घाइते हुनुभएको थियो । दुवै जनालाई उपचारका लागि प्राथमिक स्वास्थ्य केन्द्र रिडी लगिएकोमा उपचारकै क्रममा मृत्यु भएको प्रहरीले जनाएको छ ।
