पेशाकर्मिहरुलाई डिजिटल मार्केटिङ तालिम

पेशाकर्मिहरुलाई डिजिटल मार्केटिङ तालिम
बुटवल। रूपन्देही आसपासका क्षेत्रमा विभिन्न उद्योगमा कार्यरत पेशाकर्मीहरूको सीप अभिवृद्धिका लागि निःशुल्क डिजिटल मार्केटिङ तालिम बुटवलमा आजबाट शुरु गरिएको छ । रूपन्देही उद्योग संघ र इन्स्योर परियोजनाको सहकार्यमा स्थापित सीप विकास इकाईको आयोजना तथा सक्षम नेम एजुकेसन प्रा.लिको समन्वयमा तालीम संचालन गरिएको हो ।
रुपन्देही उद्योग संघका वरिष्ठ उपाध्यक्ष जीवकान्त काफ्लेले डिजिटल मार्केटिङले उद्योग व्यवसायलाई विश्व बजारसम्म जोड्ने सशक्त माध्यम प्रदान गर्ने बिश्वास व्यक्त गर्दै उद्योगीहरूको क्षमता अभिवृद्धि र प्रविधिमैत्री बनाउन तालीम संचालन गरेको बताउनुभयो । तालिमले सहभागीहरुलाई व्यवहारिक ज्ञान र सीप प्रदान गरी उद्योगको उत्पादनशील तथा बजार विस्तारमा सेवा पुग्ने विश्वास व्यक्त गर्नुभयो ।
रूपन्देही उद्योग संघका प्रमुख कार्यकारी अधिकृत यादव प्रसाद भण्डारीले डिजिटल प्रविधिको तीव्र विकाससँगै उद्योग व्यवसाय सञ्चालनको स्वरूपमा ठूलो परिवर्तन आएको र यस परिवेशमा उद्योगी तथा कामदारलाई समयानुकूल प्रदान हुने दायित्व भएको बताउनुभयो ।
तालिमका प्रशिक्षक इन्जिनियर अमृत रानाभाटले तालिमको संरचना, उद्देश्य र सिकाइ विधिबारे जानकारी गराउँदै सामाजिक सञ्जाल मार्केटिङ, कन्टेन्ट निर्माण, डिजिटल विज्ञापन, ब्रान्डिङ, ग्राहक पहुँच विस्तार तथा अनलाइन व्यापार रणनीतिबारे सैद्धान्तिक र व्यावहारिक ज्ञान प्रदान गरिने जानकारी दिनुभयो ।
रूपन्देही उद्योग संघ सीप विकास इकाईका कार्यक्रम अधिकृत प्रदिप पन्थीले तालीममा १८ उद्योगबाट २० जनाको सहभागिता रहेको जानकारी दिनु भयो।
स्थानीय उद्योग तथा पेशाकर्मीलाई डिजिटल रूपमा सक्षम बनाउँदै विदेशी प्रविधि तथा जनशक्तिमा निर्भरता घटाई सम्मानित रोजगारी र आत्मनिर्भरता प्रवद्र्धन गर्नु तालिमको मुख्य उद्देश्य रहेको रूपन्देही उद्योग संघले जनाएको छ ।