धनगढीमा उर्लियो मानव सागर, लमहीमा भोलि

लमही (दाङ) । नेपाली कम्युनिष्ट पार्टीले शुक्रबार धनगढीमा आयोजना गरेकी पार्टीको एकता सन्देश सभामा मानव सागर उर्लिए पछी नेता कार्यकर्ता उत्साहित भएका छन ।
उक्त सभालाई सम्बोधन गर्दै संयोजक पुष्पकमल दाहाल प्रचण्डले सुदूरपश्चिम प्रदेशमा आफ्नो पार्टीलाई पहिलो शक्तिबाट कसैले रोक्न नसक्ने दाबी गर्नुभयो ।
उहाँले आफूहरू निर्वाचनमा केन्द्रित भइसकेको उल्लेख गर्दै देशभर नेकपालाई पहिलो शक्तिको रुपमा स्थापित गर्न एकतावद्ध भएर लाग्न नेता कार्यकर्ताहरुलाई आह्वान समेत गर्नु भयो ।
भोलि अर्थात मंसिर १३ गते दाङको लमहीमा हुने नेपाली कम्युनिस्ट पार्टी लुम्बिनी प्रदेशको एकता सभाका लागि तयारी पूरा भएको पार्टीले जनाएको छ। सभामा संयोजक पुष्पकमल दाहाल ‘प्रचण्ड’, सह–संयोजक माधवकुमार नेपाल तथा नेता बामदेव गौतम, भीम रावल, वर्षमान पुनलगायतले सम्बोधन गर्ने कार्यक्रम छ।
सभाको तयारीका लागि नेता तथा कार्यकर्ताहरू दुई दिनदेखि लमहीमा रहेका छन्। भेलाका सबै आवश्यक तयारी पूरा गरिएको पार्टीका नेता मेटमणि चाैधरीले जानकारी दिनुभयो।
संयोजक प्रचण्ड, सह–संयोजक नेपाललगायतका नेताहरू विहान मजगाउँ र थारु गाउँमा भोजन गर्ने कार्यक्रम रहेको बताइएको छ। त्यस्तै, एकता सभामा पार्टी प्रवेशसम्बन्धी कार्यक्रम पनि समावेश गरिएको पार्टीले जनाएको छ।
यस्तै, नेता प्रचण्ड, नेपाललगायतका नेताहरू आउने भएकाले उहाँहरूको मन्तव्य सुन्नुहुने सबै महानुभावहरूलाई दिउँसो १२:०० बजे सभास्थल लमहीकाे सार्वजनिक वगैचामा उपस्थित हुन हार्दिक अनुरोध गरिएको छ।