बुटवल ।
नेपाल नियमित रक्तदाता संघको स्थापना दिवसमा बृक्षरोपण गरिएको छ । संघको बिसौं स्थापना दिवसको अवसरमा बुटवलको डिभिजन सडक कार्यालयसंगै रहेको संघको केन्द्रीय कार्यालय परिषरमा बृक्षरोपण गरिएको हो ।
बुटवल रक्तदाता बगैचाको अवधारणा अनुसार कार्यालय परिषरमा विभिन्न प्रजातीका फलफूलका बिरुवा रोपिएको संघका अध्यक्ष दयाबहादुर सिलवालले बताउनु भयो ।
कार्यालय परिषरमा निर्माण गर्न लागिएको उक्त बगैचामा धुपि, कल्की, क्यानवेरी, स्वामी, सयपत्री, लालुपाते, अमला लगायतका ३५ वटा फलफूलका बिरुवा रोपिएको कार्यक्रम संयोजक संघका वरिष्ठ उपाध्यक्ष लेखनाथ भण्डारीले जानकारी गराउनु भयो ।
स्थापना दिवसकै अवसरमा साँझ दीप प्रज्वलन गरिने संघका महासचिव दीपक अधिकारीले बताउनु भयो ।